Langlúra (Glyptocephalus cynoglossus)
Niðurhal gagna
Hlaða niður (Parquet) · 533.8 KB Hlaða niður (CSV) · 1.4 MB
Niðurhal gagna
Hlaða niður (Parquet) · 533.8 KB Hlaða niður (CSV) · 1.4 MB
Langúra er allt í kringum landið, einkum við það sunnan- og vestanvert frá Hornafjarðardjúpi til Faxaflóa en er mun sjaldséðari í kalda sjónum norðanlands og austan.
SMB mælir breytingar í fjölda og lífmassa langlúru betur en SMH, hins vegar nær hvorug stofnmæling nægilega vel yfir svæðin þar sem ungviði heldur sig enda eru ekki nægilegar upplýsingar til um hvar þau svæði er að finna.
Stofnvísitölur og lífmassavísitölur veiðistofns í SMB og SMH hækkuðu úr lágmarkinu upp úr aldamótum og hafa haldist háar síðan.
Lífmassavísitala stórrar langlúru (43 cm og stærri) hækkaði á árunum 2010–2015 og hefur haldist há síðan.
Vísitala nýliðunar (25 cm og minni) var sveiflukennd til ársins 2010, var lág á árunum 2011–2020, en hefur síðan aukist.
Samræmi í stofnvísitölum SMB og SMH eru nokkuð gott.
Myndirnar sýna ýmsar vísitölur í þyngd og í fjölda. Skyggð svæði sýna 95 % öryggismörk. Hægt er að skoða heildarvísitölur í þyngd og fjölda og samanburð vísitalna í SMB og SMH (hlutfallslegar vísitölur). Einnig eru sýndar vísitölur nokkurra stærðarflokka í þyngd og fjöldavísitölur minnsta fisksins sem gefa vísbendingu um nýliðun.
Langlúra veiðist lítið í stofnmælingum fyrr en við 20 cm lengd. Á því eru þó undantekningar þegar nýliðun er góð.
Lengdardreifingar hafa smám saman hliðrast til hægri í átt að stærri fiski, sem endurspeglar tímabil með lélegri nýliðun.
Myndirnar sýna lengdarskiptar vísitölur (í milljónum) eftir árum.
Langlúra í báðum stofnmælingaleiðöngrum er algengust á 100–250 m dýpi.
Hún finnst allt í kringum landið, þó síst fyrir austan land. Mestur lífmassi hennar er suðvestur og vestur af landinu.
Myndirnar sýna stofnvísitölur í þyngd skipt eftir dýptarbilum ásamt hlutfallslegri dreifingu eftir dýpi. Með því að velja ákveðið dýptarbil í skýringartextanum er hægt að skoða þróunina innan þess dýptarbils.