Skrápflúra (Hippoglossoides platessoides)
Niðurhal gagna
Hlaða niður (Parquet) · 768.7 KB Hlaða niður (CSV) · 3.2 MB
Niðurhal gagna
Hlaða niður (Parquet) · 768.7 KB Hlaða niður (CSV) · 3.2 MB
Skrápflúra fæst mjög víða í stofnmælingum og er dreifing hennar jöfn sem endurspeglast í lágri mæliskekkju. Stærðarmunur kynja er mikill hjá skrápflúru og einungis lítill hluti hænganna nær því að verða 30 cm langur. Því má segja að vísitala skrápflúru 30 cm og stærri sé í raun vísitala stórra hrygna, en þetta er sá hluti stofnsins sem veiðar beinast að.
Stofnvísitölur skrápflúru, vísitölur veiðistofns (30 cm og stærri) og vísitölur stærsta fisksins lækkuðu eftir aldamót, þegar þær voru í sögulegu hámarki, fram til ársins 2007. Síðan hafa þær verið lágar en stöðugar.
Nýliðunarvísitala (10 cm og minni) var mjög lág á árunum 1998 til 2008. Frá árinu 2009 hefur hún sveiflast en í sögulegu samhengi verið há. Þessi nýliðun virðist ekki skila sér í stofninn.
Gott samræmi er milli vísitalna í SMB og SMH.
Myndirnar sýna ýmsar vísitölur í þyngd og í fjölda. Skyggð svæði sýna 95 % öryggismörk. Hægt er að skoða heildarvísitölur í þyngd og fjölda og samanburð vísitalna í SMB og SMH (hlutfallslegar vísitölur). Einnig eru sýndar vísitölur nokkurra stærðarflokka í þyngd og fjöldavísitölur minnsta fisksins sem gefa vísbendingu um nýliðun.
Verulegur fjöldi veiðist af skrápflúru undir 20 cm lengd í SMB og SMH. Hún byrjar að veiðast strax um 10 cm lengd, mun smærri en aðrir flatfiskar, en lítið fæst af skrápflúru stærri en 45 cm.
Lengdardreifing í SMB sýnir vel aukningu skrápflúru undir 20 cm árin 1992 til 1995 og fækkun sem síðar hefur orðið.
Hvað lengdardreifingu varðar sýna SMH og SMB svipaðar niðurstöður fyrir smæstu skrápflúruna, en SMB virðist ná betur til skrápflúru stærri en 20 cm.
Myndirnar sýna lengdarskiptar vísitölur (í milljónum) eftir árum.
Skrápflúra er finnst allt í kringum landið á 100–400 m dýpi en er algengust fyrir norðan og austan land.
Myndirnar sýna stofnvísitölur í þyngd skipt eftir dýptarbilum ásamt hlutfallslegri dreifingu eftir dýpi. Með því að velja ákveðið dýptarbil í skýringartextanum er hægt að skoða þróunina innan þess dýptarbils.