Þorskur (Gadus morhua)
Niðurhal gagna
Hlaða niður (Parquet) · 1.4 MB Hlaða niður (CSV) · 6.8 MB
Niðurhal gagna
Hlaða niður (Parquet) · 1.4 MB Hlaða niður (CSV) · 6.8 MB
Þorskur er botnfiskur sem finnst umhverfis Ísland frá nokkrum metrum og niður á 600 m eða dýpra.
Helstu hrygningarsvæði þorsks eru fyrir sunnan og vestan land en helstu fæðuslóðir og uppeldissvæði eru við norðanvert landið.
Þorskur er stærsti stofn botnfiska á Íslandsmiðum og mikilvægur í vistfræðilegu og efnahagslegu tilliti.
Gögn úr SMB og SMH eru mikilvæg við mat á stofnstærð, nýliðun, ástandi og útbreiðslu þorsks.
Stofnvísitölur þorsks hækkuðu frá aldamótum fram til ársins 2017 en hafa lækkað síðan þá. Mest áberandi er hækkun vísitalna hjá stærsta þorskinum (80 cm og stærri) sem meira en tífaldaðist frá aldamótum fram til ársins 2017 og hefur verið há síðan.
Gott samræmi er í þróun vísitalna þorsks í SMB og SMH.
Myndirnar sýna ýmsar vísitölur í þyngd og í fjölda. Skyggð svæði sýna 95 % öryggismörk. Hægt er að skoða heildarvísitölur í þyngd og fjölda og samanburð vísitalna í SMB og SMH (hlutfallslegar vísitölur). Einnig eru sýndar vísitölur nokkurra stærðarflokka í þyngd og fjöldavísitölur minnsta fisksins sem gefa vísbendingu um nýliðun.
Lengdarskiptar vísitölur þorsks úr báðum stofnmælingarleiðöngrum sýna vel staka aldurshópa yngri fiska.
Mest áberandi eru 0 grúppu þorskur í SMH (um 10 cm) og 1 árs þorskur í SMB (um 12 cm).
Áberandi er að fyrir árið 2007 var 1 árs þorskur í SMB með víðari lengdardreifingu og skilaðið sér betur sem 2 ára (um 25 cm) og 3 ára (um 35 cm).
Myndirnar sýna lengdarskiptar vísitölur (í milljónum) eftir árum.
Fjöldi 1 árs þorsks er sveiflukenndur, en að jafnaði hefur mælst meira af 1 árs þorski frá árinu 2009 heldur en árin á undan. Það á hins vegar ekki við um 2-5 ára þorsk.
Hrygningarstofn þorsks hefur stækkað frá árinu 2007 og kemur það fram í hærri fjöldavísitölum þorsks eldri en 6 ára.
Myndirnar sýna aldursskiptar vísitölur í þyngd og fjölda. Með því að velja aldurshópa í skýringartextanum hægra megin á myndinni er hægt að skoða stærð hvers hóps sérstaklega.
Töflunar sýna fjöldavísitölur eftir aldri. Með því að færa músarbendil yfir einstaka hluta töflunnar er hægt að fylgjast með þróun árganga. Taflan notar bláan litaskala þar sem litadýpt endurspeglar fjölda. Því dekkri sem liturinn er, því hærri er fjöldinn. Fyrir neðan töfluna er mynd sem sýnir stærð árganga á lograkvarða. Bláa línan sýnir meðaltalið yfir tímabilið.